Benvidas e benvidos a Lugar das Marías. Agardamos que a viaxe por este espazo vos traslade a necesidade de visitarnos na Mariña, lugar máxico e único.
Este proxecto leva anos sendo un soño que, por fin, se viu cumprido. Ademais de servir como equipamento hoteleiro Lugar das Marías naceu coa vontade de contribuir na visibilización da historia das mulleres en xeral e das mulleres galegas en particular. Precursoras que, dalgún xeito, fixeron posible mudar os finais de tantas historias no mundo das artes, das letras, da ciencia…e por suposto, na vida cotiá de todas nosoutras.
Este proxecto non é máis que un grao de area da presada da Historia que queremos contar a través das súas protagonistas.
O nome da hospedaxe fai honra ás marías galegas. Quen non conta con varias marías no grupo de amigas, na familia ou no recordo do que foron as nosas vidas ata o momento?
Moitas son as marías esquecidas, moitas pero diversas, a todas elas queremos homenaxear a través deste proxecto, protagonistas non só dos cuartos senón tamén do conxunto do establecemento. Este é pois un dos valores engadidos máis importantes de Lugar das Marías e o que, sen dúbida, ha de servir como elemento principal na atracción de visistantes amantes da Historia e da cultura.