Na zona costeira que abrangue as parroquias de Lago, Morás, Portocelo e Xuances podemos recibir os aloumiños do Cantábrico desde múltiples perspectivas: roteiro, praia, cantíl, portiño, ruinas, faro etc.
Desde fai poucos anos, o recursos turístico máis importante que recorre o municipio é o Camiño Natural da Ruta do Cantábrico. Un proxecto financiado polo Ministerio de Medio Ambiente que discorre por 133 km dos concellos de Ribadeo, Barreiros, Foz, Burela, Cervo, Xove, Viveiro e O Vicedo.
Camiño natural da ruta do Cantábrico
Ao longo do recorrido pola costa xovense somos partícipes dun contorno de gran valor paisaxístico e ideal para desconectar e perderse na inmensidade:
- Praia de Portonovo (8,7 km). Pequena cala ideal para persoas solitarias.
- Praia de Esteiro (8 km). A mellor da zona para o surf, onde gozar das ondas e acudir a aulas de surf coa Escola Galega de Surf Praia de Esteiro.
- Praia de Muiñelo (8km), ateigada de cantos rodados de múltiples cores, foto de concurso.
- Punta da Mansa (10 km). Desde onde divisar a Estaca de Bares, a entrada da Ría de Viveiro etc.
- Faro da Punta Roncadoira (9 km). Un pracer para todos os sentidos.
- Ruinas de San Tirso.
- Praias de Portocelo (6 km). Un paraíso feito á medida de cada quen.
- Portiño de Portocelo (6 km).
- Ensenada de Sucastro (7 km).
- Illa de Sarón (7 km).
- Mirador da Atalaia (6,5 km).
- Cantís de Morás no Cabo Morás (6km). Unha paisaxe tallada pola erosión do mar na pedra.
- Praia e portiño de Morás (6km).
- Praia de Lago (5km).
E moitas outras sensacións sobre as alturas!